ਪੰਜਾਬ ਭਰ ਵਿੱਚ ਸੰਗਠਨਾਤਮਕ ਰੂਪ ਵਿੱਚ ਮੰਡਲ ਪ੍ਰਧਾਨਾਂ ਦੀਆਂ ਨਿਰਪੱਖ ਚੋਣਾਂ ਕਰਵਾਈਆਂ ਗਈਆਂ ਹਨ।
ਲੁਧਿਆਨਾ-22-ਜੁਲਾਈ ( ਨਾਗੀ/ਖਾਲਸਾ ) ਭਾਜਪਾ ਪੰਜਾਬ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਸੇਵਾ, ਸੁਸ਼ਾਸਨ ਅਤੇ ਗਰੀਬ ਭਲਾਈ ਦੇ ਉਦੇਸ਼ ਨਾਲ ਅੱਗੇ ਵਧ ਰਹੀ ਹੈ। ਇਸ ਉਦੇਸ਼ ਨੂੰ ਜ਼ਮੀਨੀ ਪੱਧਰ 'ਤੇ ਹਰ ਘਰ ਤੱਕ ਪਹੁੰਚਾਉਣ ਲਈ, ਪੰਜਾਬ ਭਰ ਵਿੱਚ ਸੰਗਠਨਾਤਮਕ ਰੂਪ ਵਿੱਚ ਮੰਡਲ ਪ੍ਰਧਾਨਾਂ ਦੀਆਂ ਨਿਰਪੱਖ ਚੋਣਾਂ ਕਰਵਾਈਆਂ ਗਈਆਂ ਹਨ। ਤਾਂ ਜੋ ਉਹ ਆਪਣੇ-ਆਪਣੇ ਖੇਤਰਾਂ ਦੇ ਲੋਕਾਂ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀਆਂ ਲੋਕ ਭਲਾਈ ਨੀਤੀਆਂ ਤੋਂ ਜਾਣੂ ਕਰਵਾ ਕੇ ਪੰਜਾਬ ਵਿੱਚ ਭਾਜਪਾ ਨੂੰ ਮਜ਼ਬੂਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਣ। ਇਹ ਸ਼ਬਦ ਪੰਜਾਬ ਭਾਜਪਾ ਦੀ ਕੋਰ ਕਮੇਟੀ ਦੇ ਉਪ ਪ੍ਰਧਾਨ ਸਰਦਾਰ ਕੇਵਲ ਸਿੰਘ ਢਿੱਲੋਂ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਹੇ। ਉਨ੍ਹਾਂ ਅੱਗੇ ਕਿਹਾ ਕਿ ਲੁਧਿਆਣਾ ਜ਼ਿਲ੍ਹੇ ਵਿੱਚ 20 ਮੰਡਲ ਪ੍ਰਧਾਨ ਵੀ ਚੁਣੇ ਗਏ ਹਨ। ਜੌ ਭਾਜਪਾ ਦੀਆਂ ਨੀਤੀਆਂ ਦਾ ਪ੍ਰਚਾਰ ਕਰਨਗੇ। ਕੇਵਲ ਢਿੱਲੋਂ ਨੇ ਕਿਹਾ ਕਿ ਅੱਜ ਪੰਜਾਬ ਦੇ ਲੋਕਾਂ ਦਾ ਭਾਜਪਾ ਪ੍ਰਤੀ ਵਿਸ਼ਵਾਸ ਵਧ ਰਿਹਾ ਹੈ। ਅੱਜ ਪੰਜਾਬ ਦੇ ਲੋਕ 2027 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਨੂੰ ਇੱਕ ਵਿਕਲਪ ਵਜੋਂ ਦੇਖ ਰਹੇ ਹਨ। ਪੰਜਾਬ ਦੇ ਲੋਕਾਂ ਦਾ ਆਮ ਆਦਮੀ ਪਾਰਟੀ ਅਤੇ ਕਾਂਗਰਸ ਤੋਂ ਵਿਸ਼ਵਾਸ ਉੱਠ ਗਿਆ ਹੈ। ਉਨ੍ਹਾਂ ਨੂੰ ਅਹਿਸਾਸ ਹੋ ਗਿਆ ਹੈ ਕਿ ਜੇਕਰ ਪੰਜਾਬ ਨੂੰ ਤਰੱਕੀ ਦੇ ਰਾਹ 'ਤੇ ਲਿਆਉਣਾ ਹੈ, ਤਾਂ ਪੰਜਾਬ ਵਿੱਚ ਭਾਜਪਾ ਨੂੰ ਸੱਤਾ ਵਿੱਚ ਲਿਆਉਣਾ ਪਵੇਗਾ। ਅੱਜ ਪੰਜਾਬ ਵਿੱਚ ਚੱਲ ਰਹੀਆਂ ਕੇਂਦਰ ਸਰਕਾਰ ਦੀਆਂ ਯੋਜਨਾਵਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਦੂਰਅੰਦੇਸ਼ੀ ਦਾ ਨਤੀਜਾ ਹਨ। ਢਿੱਲੋਂ ਨੇ ਕਿਹਾ ਕਿ ਭਾਜਪਾ ਸਿਰਫ਼ ਨਾਅਰੇ ਹੀ ਨਹੀਂ ਦਿੰਦੀ, ਸਗੋਂ ਜ਼ਮੀਨੀ ਪੱਧਰ 'ਤੇ ਉਨ੍ਹਾਂ ਨੂੰ ਪੂਰਾ ਕਰਨ ਵਿੱਚ ਵੀ ਵਿਸ਼ਵਾਸ ਰੱਖਦੀ ਹੈ। ਇਸ ਮੌਕੇ ਲੁਧਿਆਣਾ ਦੇ ਨਿਊ ਜਨਤਾ ਨਗਰ ਮੰਡਲ ਤੋਂ ਗੁਰਵਿੰਦਰ ਸਿੰਘ ਭਮਰਾ, ਪ੍ਰਤਾਪ ਨਗਰ ਤੋਂ ਐਡਵੋਕੇਟ ਕੁਲਦੀਪ, ਦੁੱਗਰੀ ਤੋਂ ਰਾਕੇਸ਼ ਪਰਾਸ਼ਰ, ਸੁਭਾਨੀ ਬਿਲਡਿੰਗ ਤੋਂ ਹਿਮਾਂਸ਼ੂ ਕਾਲੜਾ, ਕਿਦਵਈ ਨਗਰ ਤੋਂ ਦੀਪਕ ਜੌਹਰ, ਮਾਧੋਪੁਰੀ ਤੋਂ ਅਮਿਤ ਮਿੱਤਲ, ਜਨਕਪੁਰੀ ਤੋਂ ਰਾਜੀਵ ਸ਼ਰਮਾ, ਜਮਾਲਪੁਰ ਤੋਂ ਵਿਨੋਦ ਰਾਣਾ,ਟਿੱਬਾ ਰੋਡ ਤੋਂ ਪਰਮੋਦ ਕੁਮਾਰ,ਫੋਕਲ ਪੁਆਇੰਟ ਤੋ ਅੰਕੁਰ ਵਰਮਾ,ਸੁਭਾਸ਼ ਨਗਰ ਤੋਂ ਅਮਿਤ ਰਾਏ, ਗੁਰੂ ਨਾਨਕ ਪੁਰਾ ਤੋਂ ਕੇਸ਼ਵ ਗੁਪਤਾ, ਸਲੇਮ ਟਾਬਰੀ ਤੋਂ ਅਮਿਤ ਸ਼ਰਮਾ, ਸ਼ਿਵਪੁਰੀ ਤੋਂ ਅਸ਼ੋਕ ਰਾਣਾ, ਘੰਟਾਘਰ ਤੋਂ ਚਿਰਾਗ ਅਰੋੜਾ, ਸ਼ਿਮਲਾਪੁਰੀ ਤੋਂ ਰਾਜੀਵ ਵਰਮਾ, ਗਿਆਸਪੁਰਾ ਤੋਂ ਸੁਰੇਸ਼ ਅਗਰਵਾਲ, ਡਾਬਾ ਤੋਂ ਬਲਵਿੰਦਰ ਸਿਆਲ, ਸ਼ੇਰਪੁਰ ਤੋਂ ਰਿਤੇਸ਼ ਜੈਸਵਾਲ,ਅਗਰ ਨਗਰ ਤੋ ਅਸ਼ੀਸ਼ ਗੁਪਤਾ ਨੂੰ ਮੰਡਲ ਪ੍ਰਧਾਨ ਚੁਣਿਆ ਗਿਆ। ਚੋਣ ਅਧਿਕਾਰੀ ਨੇ ਸਾਰਿਆਂ ਨੂੰ ਭਾਜਪਾ ਦਾ ਗਮਛਾ ਪਾ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਜ਼ਿਲ੍ਹਾ ਭਾਜਪਾ ਪ੍ਰਧਾਨ ਰਜਨੀਸ਼ ਧੀਮਾਨ, ਜ਼ਿਲ੍ਹਾ ਭਾਜਪਾ ਜਨਰਲ ਸਕੱਤਰ ਨਰਿੰਦਰ ਮੱਲੀ, ਯਸ਼ਪਾਲ ਜਨੋਤਰਾ, ਜ਼ਿਲ੍ਹਾ ਭਾਜਪਾ ਮੀਤ ਪ੍ਰਧਾਨ ਮਹੇਸ਼ ਸ਼ਰਮਾ,ਡਾ: ਨਿਰਮਲ ਨਈਅਰ, ਮੁਨੀਸ਼ ਚੋਪੜਾ ਲੱਕੀ, ਸੁਮਨ ਵਰਮਾ, ਨਵਲ ਜੈਨ, ਸੁਰਿੰਦਰ ਕੌਸ਼ਲ ਆਦਿ ਹਾਜ਼ਰ ਸਨ |